THE ACCIDENTAL HUSBAND - விமர்சனம்

அன்பர்களுக்கு வணக்கம், அவ்வபோது வரும் படங்களை பார்த்தாலும் எனது எப்போதைய விருப்பம் ரொமென்டிக் காமெடி வகை படங்கள் தான், அந்த வகையில் ஒரு படம் தான் நாம் இன்று பார்க்கப் பாவது, THE ACCIDENTAL HUSBAND.

படத்தலைப்பிலேயே கதையை யூகிக்கலாம், எதிர்பாராத விதமாய் ஒருவன் ஒரு பெண்ணுக்கு கணவனானால் என்ன ஆகும் என்பது? ஆனால் படத்தில் எதிர்பாராமல் நடப்பது இல்லை, சரி ஆரம்பத்தில் இருந்து பார்ப்போம். நமது நண்பர்களில் எல்லாம் கண்டிப்பாக ஒருவன் இருப்பான்/ள், தனக்கு அனுபவமே இல்லை என்றாலும் நாம் செய்யும் விசயங்களை பற்றி நன்கு தெரிந்தது போல் அறிவுரை சொல்பவர்கள்.

 

அது போல் லவ் டாக்டர் என கூறிக்கொண்டு ரேடியோவில் நிகழ்ச்சி நடத்துபவர்தான் கதா நாயகி, அவருக்கு வேலையே, யாராவது கஷ்டபட்டு காதலிக்க வைத்திருக்கும் பெண்ணிடம் உணர்வுகளை விளக்குகிறேன் பேர்வழி என்றி 90 % குழப்பி, இருவரையும் பிரிப்பதுதான்.

இதனால் கல்யாணத்திற்கு ஒரு வாரத்திற்கு முன்பு தன் காதலியை இழந்தவர்தான் கதா நாயகன், ஒரு தீயனைப்பு வீரர், தன் காதல் தோல்விக்கு காரணமானவள் மீது கோபமாய் இருக்கிறார், அவருக்கு பக்கத்தில் குடியிருக்கும் ஒரு இந்திய சிறுவன் இன்டர்னெட் ஹேக்கிங்கில் கில்லாடி, அவன் அரசு பதிவு சம்பந்தமான இணையதளத்தில்  கதா நாயகன்,கதா நாயகிக்கு திருமணம் நடந்தது போல் பதிவு செய்து விடுகிறான்.

கொஞ்ச நாளில் திருமணம் செய்து கொள்ளலாம் என நினைக்கும் நாயகிக்கு இந்த தொழில் நுட்ப கோளாறு தெரியவர அதை மாற்றுவதற்காந விண்ணப்பத்தில் நாயகனிடம் கையெழுத்து வாங்க அவரை தேடி வர ஆரம்பிக்கிறார், நம்ம ஆளும் "அச்சச்சோ, அப்புறம் என்னாச்சு?"னு பதறியடிச்சு சீன் போட்டுகிட்டே கொஞ்சம் கொஞ்சமா நாயகியுடன் நேரத்தை கழிக்க முயற்சிக்கிறார்.

அன்று இரவு நாயகி ஃபுல் டைட்டாகி மட்டையாகிடறதால நாயகன் தான் ரூம்க்கு தூக்கிட்டு போயிடறார், எதுவும் செய்யாமலே  நாயகியோட துணியை எல்லாம் செஞ்ச மாதிரி கலைச்சு விட்டுறார், காலைல எழுந்து நாயகி அதிரும் போது ஒரு பின்னனி இசை வருது, நான் என் செல் அடிக்குதா, டீவீ ஆன் ஆகிருச்சானு சுத்தி முத்தி பார்க்கறேன், ஏன்னா நம்ம 'அலைபாயுதே' மியுசிக், யாரோ யாரோடி பாட்டுக்கு முன்னாடி வர்ர டும்டு மாக்கடி, அலைபாயுதேல எப்படி இருந்துச்சோ இந்த சீனுக்கு செமயா இருக்கு.

அப்புறம் நடக்கற எல்லா சீனையும் சொல்லிட்டா சுவாரசியம் இருக்காது. பழி வாங்கறதுக்குனு பழக ஆரம்பிக்கற நாயகன் பழி வாங்கனாறா? இல்லை முக்கால் வாசி ஆம்பளைங்க மாதிரி பொன்னை பார்த்ததும் எல்லாத்தையும் மறந்துட்டு "ப்ளீஸ், என்னை லவ் பன்னு"ன்னு கெஞ்சறாரா? அதே மாதிரி நாயகியும் தன்னை பழி வாங்கத்தான் இவன் கூட பழகனானு தெரிஞ்சப்புறம் என்ன பன்றாங்க? 2 பேருக்குள்ள எல்லாம் முடிஞ்சது தெரிஞ்சும் நாயகிய ஏத்துக்க தயாரா இருக்க தியாகியோட நிலைமை என்னா ஆகுதுனு படத்தை பார்த்து தெரிஞ்சுக்குங்க, பெரிய சஸ்பென்ஸ் லாம் ஒன்னும் இல்லை, சுபம் தான்.

படத்துல முக்கியமான சிறப்பம்சம், ஆங்கில படத்தோட பின்னனி இசைக்கு தமிழ் பாடல்களை பயன்படுத்தி இருக்கறதுதான், அதுவும் அவ்வளவு சரியா பொருந்தது, முக்கியமா அலைபாயுதே, தெனாலி பாடல்கள், இறுதி காட்சிக்கு "என்ன சொல்ல என்ன சொல்ல" பாட்டு செமயா பொருந்துது. இதுக்காவே படத்தை பார்க்கலாம்.

படத்தோட ட்ரெய்லர்

உங்கள் கருத்துக்களை தெரிவியுங்கள்.